Wala pa matumod ang lalaki nga nagpakuno-kuno nga nagabakal nga nagsulod kag nangawat sa isa ka balaligyaan sa Barangay Bula, Mambusao, Capiz.
Sa interview sang Bombo Radyo kay PCPT Rey Dorda, Office-in-Charge sang Mambusao MPS, ginpahayag sini nga sandig sa ginpatigayon nila nga imbestigasyon, natigayon nga nataban ang isa ka unit sang cellphone, kag isa ka bag sang wala pa makilan-an nga persona nga nagsulod sa amu nga balaligyaan.
Dugang pa sini nga sa pagpangusisa man sang tag-iya, ginpahayag nga ang amu nga kawatan ang una nga nagpakuno-kuno nga nagabakal apang wala ini ma-entertain bangud nag-banyo ang nagabantay sini.
Matandaan nga ginkilala ang tag-iya sang amo nga balaligyaan kay Marissa Loyola.
Sa karon, padayon naman ang pagpatigayon sang mga katapo sang Mambusao PNP, agud makilan-an na ang amu nga persona kag mahatagan sang nagakaigo nga panumbungon.
