Ginsulod sang duha ka mga kawatan ang isa ka balay sa Costa Verde Barangay Cagay, Roxas City, Capiz.
Ang balay ang ginapanag-iyahan ni alyas Terry, 53-anyos kag residente sang San Lorenzo Village, Brgy. Cagay, Roxas City, Capiz.
Sandig sa inisyal nga imbestigasyon sang Roxas City PNP, base sa pahayag sang biktima, may duha ka persona, isa ka lalaki kag isa ka babayi ang nagpakuno-kuno nga delivery rider nga sakay sang motorsiklo.
Sang nagpalapit na ang biktima sa gate, pwersa nga gintutukan sang kutsilyo ang biktima kag gindala ini sa sulod sang balay para makapangawat.
Wala pa matumod ang kabug-usan nga balor nga nataban sang mga kawatan.
Sa karon, padayon pa ang imbestigasyon sang mga kapulisan kag nagapatigayon na ang mga ini sang hot pursuit operation para matumod ang nasambit nga mga suspetsado.
