Balay, gintupok sang kalayo matapos ang nagluntad nga sunog sa banwa sang Panay

Totally burned ang isa ka balay nga human sa light materials matapos ang nagluntad nga sunog sa Barangay Pawa, Panay Capiz

Ginapanagyahan ang amo nga balay ni Roger Estilita,43 anyos nga residente sang nasambit nga lugar.

Gilayon naman ini nga ginrespondehan sang katapo sang BFP Panay kag gindeklarar nga fire out alas 11:05 sang kagab-e.

Sa inisyal nga impormasyon nagikan sa Panay BFP, naglab-ot sa mas ukon menos P8,400 ang kahalitan sa nagluntad nga sunog.

Wala naman sang kaswalidad sa amo nga insidente.

Sa karon padayon pa ang imbestigasyon sang Panay Fire Station kun ano ang gintunaan sang nasambit nga sunog.