Partially burned, ang isa ka balay matapos may nagluntad nga sunog sa Sitio Ilawod, Barangay Sta. Carmen, Dumalag, Capiz.
Ginkilala ang tag-iya sang balay nga nasunog kay alyas Estella, isa ka Sr. Cutizen kag residente sang nasambit nga lugar.
Sa interview sang Bombo Radyo kay FO1 Primrose M. Deltran, Fire Arson Investigator – BFP Dumalag, nakabaton ang ila sini nga talatapan sang isa ka phonecall kung sa diin may nag report nga may nagluntad nga sunog sa lugar kag gilayon naman sang mga ini nga ginrespondehan, dugang pa sini nga nagsugod ang sunog takna alas 9:42 sa aga sang Nobyembre 2 kag napalong ang kalayo takna alas-10:14 sang aga.
Sandig sa inisyal nga imbestigasyon, ginaalegar nga bangud sa napabay-an nga nakasindi nga kandila sa altar ang gintunaan sang amo nga sunog.
Mahibaluan, nga human sa light materials ang amo nga balay.
Yara naman sa mas ukon menos P1,500 ang ginbilin nga halit sang amo nga sunog. Sa karon, padayon pa nga gina-imbestigahan sang mga katapo sang Dumalag BFP ang matuod nga gintunaan sang sunog.
