Balay, gintupok sang kalayo sa banwa sang Dumalag

Totally burned ang isa ka puluy-an matapos ang nagluntad nga sunog sa Sitio Tuburan, Barangay San Roque, Dumalag, Capiz.

Ang amu nga puluy-an ang ginapanag-iyahan ni Belinda Andaya.

Sa interview sang Bombo Radyo kay FO1 Primrose Beltran- Fire Arson Investigator sang Bureau of Fire Protection Dumalag, ginpahayag nga bangud sa nakasaksak nga suga ang ginalantaw gintunaan sang amu nga sunog.

Pahayag pa sini nga wala sang tawo ang amu nga puluy-an sang natabo ang insidente.

Mahibaluan nga human sa light materials ang nasambit nga puluy-an.

Sa karon, padayon pa ang ginapatigayon nga imbestigasyon sang mga katapo sang bombero agud mahibluan ang nangin kahalitan sang amu nga sunog.