Totally burned ang isa ka puloy-an matapos nga masunog takna alas 11 sang gab e kahapon nga adlaw Abril 28, 2024, sa Sitio Pang-pang, Barangay Tico, Panay, Capiz.
Ginkilala ang tag iya sang puloy-an amu ang mag-asawa nga sanday Jonathan Villaraiz, 65-anyos kag Nancy Villaraiz, 57-anyos.
Sa nakuha nga impormasyon sang Bombo Radyo, nagikan sa BFP Panay, nakabaton sila sang tawag nagikan sa Punong Barangay sang amo nga barangay nga may nagluntad nga sunog sa nasambit nga lugar.
Madasig man ini nga ginrespondehan sang mga katapo sang bumbero ang nasambit nga insidente.
Dugang pa nga human sa mixed concrete and light materials ang amu nga puloy-an kag gindeklarar nga fire out takna alas 12: 14 sang maga-aga.
Samtang, nag-angkon naman sang pasu sa kamot kag iban nga parte sang lawas si Nancy tuga sang sunog kag padayun pa sa karon nga ginabulong sa ka-ospital.
Ginabulubanta, nagdangat naman sa mas o menus 120, 000 ang nangin kahalitan sang nasambit nga sunog.
Sa karon, padayun pa ang imbestigasyon sang katapo sang bumbero agud matumod ang gintunaan sang amo nga sunog.
