ROXAS CITY-Totally burned ang isa ka balay matapos nga ginlamon sang kalayo sa Sitio Guibongan Barangay Lonoy, Sapian Capiz.
Ginkilala ang tag-iya sang balay nga si Gener Nabay, residente sang amo nga lugar.
Sandig sa inisyal nga imbestigasyon ni Fire officer-I Roldan Gaylan, Arson Investigator sang Bureau Fire Protection Ivisan nagaguha nga nagbiya si Nabay sa ila nga balay agud magpanagat apang ginaalegar nga nalipatan sini ang ginsindihan nga kandila nga iya nga ginbutang sa ila nga kusina.
Ginkakibot na lang ni Nabay sa iya nga pagpauli nga ginalamon na sang kalayo ang ila nga panimalay.
Maswerte nga wala nasunog ang duha sini nga mga kabataan nga nagakatulog sa natabo ang insidente matapos nga ginkuha sang iya mga himata.
Ginabulubanta naglab-ut sa P100,000 ang gintuga nga kahalitan sa nasambit nga sunog.
Samtang padayon pa nga gina-imbestigaran sang mga kapulisan agud matul-id ang gintunaan sang sunog.
