Balay nasunog sa banwa sang Dumalag

ROXAS CITY – Gintupok sang kalayo ang isa ka puluy-an sa Barangay Poblacion, Dumalag Capiz.

Ang nasambit nga balay ang ginapanag-iyahan ni Melva Fetalino, 57-anyos.

Sa impormasyon nga nakuha sang Bombo Radyo sa BFP-Dumalag, nakabaton sila sang tawag takna 4:50 sang hapon nga may yara sang puluy-an nga nasunog.

Nagaguwa sa inisyal nga imbestigasyon sang BFP-Dumalag nga ginaalegar naghalin ang kalayo sa ginarentahan nga kuwarto ni Robert Lagona kag madasig nga naglapta ang kalayu.

Mahibaluan nga human sa mixed light kag concrete materials ang balay kun sa diin gindeklarar nga fire-out takna 5:46 sang hapon.

Sa karon padayon pa ang imbestigasyon sang BFP-Dumalag angut sa insidente.