ROXAS CITY – Gintupok sang kalayo ang isa ka balay sa Barangay Tanza, Roxas City.
Gintupok sang kalayo ang isa ka balay sa Barangay Tanza, Roxas City.
Ang nasambit nga balay ang ginapanag-iyahan ni Michael Paul Apelo nga human sa light materials.
Ini ang ginpahayag ni Chief Arson Investigator kag Deputy City Fire Marshall Senior Fire Officer 2 Marlon Garbo sang mainterview sang Bombo Radyo.
Sandig sa inisyal nga imbestigasyon sang mga otoridad, may yara sang nakakita kay alyas Wawa nga ginapahayag may deperensiya sa paminsaron nga naghalin sa amo nga balay antes nagluntad ang kalayo.
Suno kay Garbo nga padayon nila nga ginapadalman ang imbestigasyon agud matumod kun aksidente ukon hungod nga ginsunog ang nasambit nga balay
Mahibaluan nga halos wala na ginateniran sang tag-iya ang nasambit nga balay nga sadto anay nagaserbi nga boarding house apang gin-abandonar na kag nagaserbi na lamang nga stockroom.
