ROXAS CITY – Totally burned ang isa ka balay sa Fuentes Subdivision, Barangay XI, Roxas City, matapos ang nagluntad nga sunog, subong nga pasado alas-2:00 sa hapon.
Ginapanag-iyahan ini sang pamilya Clarito.
Sandig sa interview sang Bombo Radyo kay Wendel Clarito, nagsinggitan nalang ang iya bata nga menor de edad nga babayi nga nagakasunog ang ila balay matapos makabati sang lupok.
Gilayon man sila nga nagguluwa agud isalbar ang ila kaugalingon, apang wala sila sang may nadala nga kagamitan.
Nahibaluan nga may kapin 7 ka kwarto ang amu nga balay nga human sa mixed materials.
Masuwerte man nga wala napuruhan sang sunog ang kaiping nila nga balay bangud sa firewall nga nahamtang diri, kag wala sang napilasan sa insidente.
Nahamtang ang amu nga balay malapit sa puloy-an ni Punong Barangay Rufino Dunton, sang amu nga barangay.
Nagpadulong man sa lugar ang pila ka mga fire volunteers agud magbulig sa pagpalong sang kalayo.
Nagapadayon pa sa karon nga ginahibalo sang mga katapo sang BFP-Roxas City sa gintunaan sang kalayo.
