-- ADVERTISEMENT --
PRESIDENT ROXAS, CAPIZ – Emosyonal ang tag iya sang balay nga wala maguba sang demolition team sa Barangay Hanglid, President Roxas, Capiz.
Sa interview sang Bombo Radyo kay Babylyn Tamayo, daku ang ila pasalamat nga wala ginguba ang ila nga balay nga una nga nadala sa iga-demolish kay indi ila ang duta nga ginatindugan sini.
Dugang pa sini nga nakatipon ang ila pamilya sang masobra P900,000 para ibayad sa Capiz Sugar Central bilang kantidad sang duta.
Mahimo naman sila nga magbalik sa ila puluy-an matapos ginhakot ang mga kagamitan sa una nga adlaw sang demolisyon.
