-- ADVERTISEMENT --
ROXAS CITY – Nagparekord sa Roxas City Police Station ang 48 anyos nga ginang matapos nga ginsulod sang kawatan ang ila balay sa Datiles Street, Barangay Tanque, Roxas City.
Base sa ginparekord ni Jinky Jean Esmeralda, nabugtawan ini kag nakita ang wala makilala nga kawatan nga yara sa sulod sang ila balay rason nga ini nagsinggit agud magpangayo sang bulig.
Nakadalagan ang kawatan dala ang kwarta nga nagalab-ot sa P39, 100, duha ka mga cellphone, isa ka shoulder bag nga may unod nga mga ATM kag ID’s.
Ginapatihan nga nag-agi sa bintana ang kawatan pinaagi sa pagkakas sang isa ka porsyon sang jalousie.
Ginapadalman naman sang mga kapulisan ang isa imbestigasyon agud matumod ang kawatan nga responsable sa nasambit nga insidente.
-- ADVERTISEMENT --
