Balay sang manunudlo nasunog

ROXAS CITY – Partially damaged ang balay sang isa ka manunudlo sa Locsin Village, Barangay Pantalan, President Roxas, Capiz matapos nasunog.

Ginapanag-iyahan ang balay ni Marybeth Villanueva, isa ka public school teacher.

Ginpahayag sang utod sang manunudlo nga wala sang tawo ang nasambit nga balay sang nagluntad ang sunog, bangud yara sa  eskwelahan ang utod para sa Brigada Eskwela 2019.

Nagapati ini nga sa idalum ukon sa 1^st floor naghalin ang kalayo nga naglatay sa ibabaw.

Nahibaluan nga human sa konkreto nga materyales ang duha ka panalgan nga puluy-an ni Villanueva.

Padayon sa karon ang imbestigasyon sang President Roxas fire station kun ano ang gintunaan sang sunog

(picture from web)