Balay sang negosyante ginsulod kag ginkawatan; pila ka mga kagamitan gintaban sang kawatan

Ginsulod sang kawatan ang balay sang mag-asawa nga negosyante sa Barangay Ilawod, Pontevedra, Capiz.

Sandig sa imbestigasyon sang Pontevedra PNP ginkakibot sang mag-asawa nga sanday Micheal Bonita 32-anyos kag Cristina Bonita 30-anyos nga sa ila pagpauli sa ila balay guba na ang door knob sang ila pirtahan.

Sa pagpangusisa sang duha, natukiban nga gintaban sang kawatan ang pila ka mga kagamitan sa sulod sang balay.

Padayon ang imbestigasyon sang kapulisan agud matumod ang yara sa likod sang pagpangawat.