-- ADVERTISEMENT --
ROXAS CITY – Ginabulubanta nga nagalab-ot sa P300,000 nga balor sang kagamitan kag cash ang natigayon nga mataban sang wala makilala nga mga kawatan sa balay ni Jaime Canobida sang Altavas Subdivision, Barangay Baybay, sining syudad.
Ginkakibot na lamang sang pamilya Canobida nga sa ila pagbalik gikan sa pagbakasyon, bukas na ang mayor nga pirtahan kag nagalukay na ang mga kagamitan sa sulod sang balay.
Sa pagtsekyar sang pamilya sa ila kagamitan, natukiban nga nadula ang tatlo laptop, external hard drive, cellphone nga Iphone 6, bag nga may unod nga P70,000 nga cash kag 2,000 Euro.
Sa inisyal nga imbestigasyon sang pulisya nagaguwa nga nag-agi sa CR sang master’s bedroom ang mga suspek kag ginkakas ang jalousy.
