Totally burned ang isa ka balay nga human sa light materials matapos ang nagluntad nga sunog sa Sitio Tambo, Brgy. Binaobawan, Pilar, Capiz.
Ginapanagyahan ang amo nga balay ni Wenie Vergara, 44-anyos, isa ka manug-isda kag residente sang nasambit nga lugar.
Base sa impormasyon nagikan kay FO1 Dianuel Castañales, imbestigador sang Pilar Fire Station, nakabaton sila sang report ala 1:26 sang kaagahon nga may nagluntad nga sunog sa nasambit nga lugar kag gilayon naman nila nga ginrespondehan kag gindeklarar nga fire out ala 1:48 sang kaagahon.
Naglab-ot sa mas ukon menos P10,000 ang kahalitan sa nagluntad nga sunog.
Wala naman sang kaswalidad sa amo nga insidente.
Sa karon padayon pa ang imbestigasyon sang Pilar Fire Station kun ano ang gintunaan sang nasambit nga sunog.
