Padayon nga matumal ang bentahanay sang mga isda sa may bahin sang Teodoro Arcenas Trade Center subong nga adlaw.
Sa interview sang Bombo Radyo kay Anita Tolentino, isa ka Fish Vendor, iya ginpahayag nga gamay lang ang nagabakal sang isda sa ila nga pwesto rason nga apektado man ang ila nga kita.
Suno kay Tolentino, sang nagligad nga mga inadlaw makapaubos sila sang isda sa sulod sang isa ka adlaw apang subong nagalab-ot na sa duha ka adlaw antes maubos ang ila nga isda.
Dugang pa niya, ang iban nga nagatipid man sang pamasahe rason nga ang iban sa mga talipapa nalang nagabakal.
Yari ang presyo sang pila ka mga isda:
Bisogo- 350 kada kilo
Bunito- 300 kada kilo
Pagi- 140 kada kilo
Yellow fine tune 300 kada kilo
Bangrus medium size- 100 kada kilo
Pahayag pa niya, apisar nga mahina ang ila pamemtahanon nagapabalin sa gihapon nga estable ang presyo sang mga isda kag wala sang pagsaka.
Nagalaum naman ang natungdan nga magasaka liwat ang bentahanay sa masunod nga mga inadlaw agud mabawi ang ila adlaw-adlaw nga kita.
