ROXAS CITY – Wala nagdahum dahum ang balikbayan nga mister nga mahimo pa siya nga tuntuhon sang misis sa pihak sang iya sakripisyo sa pagtrabaho sa Africa.
Suno kay alyas Boy, indi matood nga pangalan nga nahimo sini nga mapamatud-an nga matood ang mga balita nga nagatinunto si alyas Inday matapos nadakpan sa akto nga magkaupod ang mga ini sa balay.
Sa interview sang Bombo Radyo Roxas kay alyas Boy, ginpahayag sini nga wala siya gilayon magpauli sa ila balay sa baylo nagdiretso ini sa isa ka ay dumiretso sa isang hotel sa Roxas City.
Maga-alas onse na sang gab-i sang magpauli sa ila balay kaupod ang mga utod sa diin madugay pa antes ginbuksan sang iya asawa ang pirtahan sa diin nakibot sang makita siya.
Gilayon ini nga nagsaka sa 2nd floor sang ila balay kag sa pagbukas sa CR nakita ang nagapalangurog sa kahadluk nga 26-anyos nga kerido ni alyas Inday.
Ginpasalamatan lamang ni alyas Boy nga gilayon nag-abot ang mga barangay tanod kag pulis, kag gindala sa presinto ang lalaki, bangud kun nadugayan pa ang ila pag-atubangay indi siya makapat-ud kun ano pa ang sarang niya nga mahimo, sa diin posible nga napatip-an pa niya ini sang kamot.
Sa pihak nga wala sini nadakpan sa akto ang asawa kag kerido, apang sigurado si alyas Boy nga patulugon lamang sang duha ang ila duha ka mga kabataan antes sila magsalo sa ila bawal nga relasyon.
Tuig 2016 sang makaangkon sang relasyon sanday alyas Inday kag ang lalaki matapos nga kuhaon sang ginang ang iya serbisyo para sa ila nga negosyo.
