Naglab-ot sa P68,750 ang ginbanta nga balor sang halit sa sunog nga naglamon sa tatlo ka mga puluy-an sa Hermano Subdivision, Barangay Punta Tabuc, Roxas City,
Sa interview sang Bombo Radyo kay Senior Fire Officer II Junemar D. Galve, Chief Public Information Section sang Bureau of Fire Protection-Roxas City, iya ginpahayag nga totally burned ang isa ka balay nga ginapanag-iyahan ni Amelita Ponsaran Ballos bangud human ini sa light materials.
Suno kay Galve, wala sang may nasamaran sa amo nga insidente.
Samtang, nagapadayon pa ang imbestigasyon sang mga otoridad agud mahibaluan ang gintunaan sang sunog.
Matandaan nga una nga ginpahayag sang tag-iya sang nasunog nga balay nga desidido siya nga magsaka sang kaso batok sa iya anak, nga ginatudlo nga posible amo ang nagsunog sang ila puluy-an.
