Gindumina sang New Orleans Pelicans ang overtime game batuk sa Sacramento Kings, sa iskor nga 140 – 133 pinaagi sa clutch perforamnce sang guard nga si CJ McCollum.
Naglab-ot sa overtime ang bakbakan sa tunga sang duha ka team matapos lunsay nga nagkamada sang 127 ang mga ini sa pagtakop sang 4th quarter.
Apang sa pagsulod sang OT halos indi na makalagas ang Kings bangud sa asud-asud nga pagpasulod sang shot ni McCollum.
Mahibaluan nga antes matapos ang una nga minutos sang 5-min overtime, nagpasulod si McCollum sang isa ka pullup 3-pointer.
Ginsundan pa niya ini sang panibag-o nga 3-pointer sa pagtakop sang 3-min mark.
Sa pagsugod naman sang last-2 mins sang hampang, liwat nga naghimo sang jump shot 3-pointer ang Pelicans guard, kag ginsundan sang isa pa ka driving layup sa katapusan nga 22 segundos sang hampang.
Sa kabug-usan sang OT nakapasulod ang Pelicans sang 13 points kung sa diin 11 diri lunsay nagikan kay McCollum.
Bangud sini, wala sang iban nga sabat ang Kings magluwas lamang sa 6 points kag 4 points nga nagikan kay Malik Monk samtang ang 2points naman ang nagikan kay DeMar DeRozan.
Sa kabug-usan nga hampang, nagkamada si McCollum sang 43 points kag 7 nga assists samtang nag-amot naman sang 18 points, 11 assists, kag 9 nga rebounds ang forward nga si Trey Murphy III.
Samtang, nausik naman ang bigtime double-double sang sentro nga si Domantas Sabonis kung sa diin nagkamada sang 28 rebounds kag 22 points, kaupod ang 32 points sang bag-o nga Kings guard nga si Zach Lavine.
Sa pihak sang kadalag-an, nagapabilin nga ulihi ang Pels kung sa diin may yara na sang 42 loss samtang 13 games pa lamang ang napadaog.
Sa karun, hawid na sang Kings ang 28 – 28 win-loss record.
