Roxas City – Wala na sang kabuhi sang masapwan ang isa ka lalaki sa Sitio Luway, Barangay Astorga, Dumarao, Capiz.
Ginkilala ang biktima kay Jonard Censoria, 45-anyos nga residente sang nasambit nga lugar.
Sa impormasyon nga nagikan sa Dumarao Municipal Police Station, natigayon nga makilan-an ang biktima pina-agi sa pagkumpirmar mismo sang iloy sang biktima kag ginapahayag may ginasuprehir nga balatian, apang wala na nagatumar sang bulong.
Suno pa sa iloy sini nga naglakat si Censoria 7 ka adlaw ang nakaligad apang ginkabalaka sini nga wala na nakapauli sa ila puluy-an.
Matandaan yara na sa advance state of decomposition ang bangkay sang biktima sang makit-an sa nasambit nga lugar.
Sa karun, yara na ang bangkay sini kag natalana gilayon nga ilubong.
