ROXAS CITY – Wala pa sa gihapon ma-identify ang bangkay sang lalaki nga nalumos-patay sa Barangay Baybay, Roxas City sang Lunes Abril 28, 2025.
Sa interview sang Bombo Radyo kay Punong Barangay Erwin Oroceo, wala man sang ID ang amo nga lalaki sang nasapwan kag ultimo nga dala sini amu ang kwarta nga nakaputos sa plastic nga nakahigot sa iya nga short.
Nagapati naman si Oroceo nga pangayaw ang amo nga lalaki bangud wala sang may nakakilala sa ila lugar sandig sa ila ginpatigayon nga imbestigasyon.
Matandaan nga tatlo na ka adlaw ang nakaligad sang masapwan ang lalaki sa baybayon sang Brgy. Baybay kag tubtob subong wala sa gihapon sang may nag-claim nga himata sa bangkay sini nga yara karon sa morgue sang RMPH.
Panawagan ni PB Oroceo nga kun sin-o man ang pamilya ukon kakilala sang amo nga lalaki magpadulong lamang sa morgue sang Roxas Memorial Provincial Hospital ukon mahimo man nga magpakig-angut sa ila barangay.
