Bangkay sang lalaki nga nasapwan sa Crossing Bato Road sang Barangay Banica, wala pa makilan-an

ROXAS CITY – Wala pa makilan-an ang bangkay sang lalaki nga nasapwan sa Crossing Bato Road, Barangay Banica, Roxas City subong lamang nga aga.

Mahibalaun nga yara na ini sa advanced state of decomposition kung sa diin ginabulubanta 3 na ka adlaw nga yara sa katalunan sa nasambit nga lugar.

Ang nasambit nga bangkay ang nakasuksok sang pink kag maroon nga short kag may yara sang helmet kag ginapahayag may pilas sa ulo kag kamot.

Sa karun, yara na sa isa ka punerarya ang bangkay sang biktima kag  nagapadayon pa ang imbestigasyon sang mga kapulisan angut sa insidente.