Bangkay sang piloto nga kalakip sa mga napatay sa pagtibusok sang eroplano, indi na pagdalhon sa Roxas City

ROXAS CITY –Indi na pagdalhon diri sa Roxas City ang bangkay sang piloto nga kalakip sa mga napatay sa nagtibusok nga eroplano sa Mira Monte Village, Barangay Pansol, Calamba, Laguna.

Ini ang ginpahayag ni Anna Hernandez-Antioquia, utod sang napatay nga piloto nga si Captain Jesus Hernandez sa interview sang Bombo Radyo Roxas.

Suno kay Antioquia nga sila na lamang ang magapadulong sa Metro Manila para personal nga updan sa ginabatyag nga kalisod ang tatlo ka mga hinablos sa pagkadula sang ila nga amay.

Apisar masakit suno kay Antioquia batunon na lamang nila ang nadangatan sang utod bangud nagapati sila nga may rason ang tanan nga nagakahinabo sa kabuhi sang tawo.