ROXAS CITY – Yara na sa advance state of decomposition ang lawas sang isa ka senior citizen sang masapwan sang mga otoridad sa Sitio Masilum Brgy. Matinabus, Sigma, Capiz.
Ang biktima ang ginkilala kay Artemio Furingan Burias, 67 anyos kag residente sang Barangay Sta.Rita, Dumalag, Capiz.
Sa interview sang Bombo Radyo kay Pcapt.Dennis Los Bañez, hepe sang Sigma PNP, nga nadiskubrehan sang iya utod ang lawas sang biktima matapus nga ila ginpangita kay pila na ka adlaw nga wala ini makapauli sa ila balay.
Dugang pa ni Los Bañez, nga may posibilidad nga ginpatay ang biktima kag ginsunog ang lawas sini, apang sa subong nagapadayun pa ang ila ginapatigayon nga imbestigasyon para matumod ang motibo kag makilala ang suspetsado nga yara sa likod sang amu nga krimen.
Sa karun, ang bangkay sang biktima ang yara na sa isa ka punerarya sa nasambit nga banwa.
