Nagpaandam ang Bangko Sentral ng Pilipinas nga possible magalab-ot sa 5.6 tubtub 6.6% ang inflation rate sang pungsod subong nga Hulyo bangud sang mataas nga presyo sang gatong, kuryente kag pagluya sang peso.
Suno sa BSP, posible nabuhinan ang epekto sini bangud sa pagnubo sang presyo sang pila ka mga staple foods kaangay sang bugas, karne, utanon kag prutas.
Kun malab-ot sang inflation ang pinakamataas nga forecast nga 6.6%, mas mataas pa ini kon ipaanggid sa 6.4% nga na-record sang Hunyo kag labaw sa gihapon sa 3% nga target sang BSP.
Bangud sini, ginpasalig sang BSP nga padayon nila nga bantayan ang paghulag sang inflation kag ekonomiya sang pungsod, lakip na ang epekto sang nagapadayon nga tensyon sa Middle East sa presyo sang gatong kag iban pa nga produkto.
