Hinubog ang ginatan-aw nga rason sang mga kapulisan sa pagpanglabo sang isa ka lalaki sa Barangay Tincupon, Panitan, Capiz.
Ang biktima amo si alyas Jomar, 20-anyos, samtang ang suspek naman amo si alyas Noel, 40-anyos, lunsay residente sang nasambit nga lugar.
Sa interview sang Bombo Radyo kay Police Captain Ronald Ton-ogan, Officer-in-Charge sang Panitan Municipal Police Station, iya ginpahayag nga magkaupod nag-inum-inum ang biktima kag ang suspek.
Suno kay Ton-ogan, sang natapos ang na ang ila inum, ginpadulungan sang biktima ang suspek samtang nagakaon kag ginpaandaman nga bun-on.
Bangod sini, nagkuha sang binangon ang suspek kag ginlabo ang biktima.
Gilayon man nga gindala sa ospital ang biktima para sa nagakaigo nga pagbulong.
Sa subong, yara na sa Panitan Municipal Police Station ang suspek samtang ginahulat pa ang disesyon sang biktima kun bala magapasaka sang kaso.
