DUMARAO, CAPIZ – Ginpasidunggan sang Gold Recognition ang banwa sang Dumarao, Capiz sa ginpatigayon nga 2026 Region VI Disaster Risk Reduction and Management (DRRM) Assesment Recognition Ceremony pinaagi sa Office of the Civil Defense (OCD).
Sa interview sang Bombo Radyo kay Dumarao, Capiz Mayor Atty. Mateo Hachuela, iya ginpahayag nga daku ang kakibot sini sang mahibaluan nga may yara sang nabaton ang ila banwa sang kasubong pasidungog kaangot sa disaster preparedness.
Suno kay Mayor Hachuela, nakakuha ang banwa sang Dumarao sang 2.64 nga average base sa apat ka thematic areas nga amo ang Prevention and mitigation, Disaster Preparedness, Disaster Response kag Disaster Rehabilitation & Recovery.
Nahibaluan nga lakip man sa nakakuha sang gold recognition ang banwa sang Dumalag, Maayon kag panitan, kag silver recognition naman ang banwa sang Dao, Jamindan, Mambusao, Pilar, Pontevedra , President Roxas, Sapian, kag syudad sang Roxas.
Samtang, partially compliance naman ang banwa sang Ivisan, Cuartero kag Panay.
Nagapasalamat man ang natungdan sa kooperasyon sang mga pumuluyo sa pagsunod sa mga otoridad sa tion sang kalamidad nga daku gid ang nangin bahin sa pagpasidungog nga nakuha sang nasambit nga banwa.
INTERVIEWED BY: BOMBO ROADNIE DALANON AND BOMBO SAIRA JOY BAUTISTA VIA GOOD MORNING PHILIPPINES
