Ginpangalanan ni anay US President Barack Obama ang mga paborito niya nga basketbolista.
Ang “Starting 5” sini amo sanday Michael Jordan, LeBron James, Stephen Curry, Hakeem Olajuwon kag Kevin Durant.
Ang nasambit nga mga player amo ang all-time starting five ni Obama.
Wala naman sini ginpanginwala nga gin-una ni Obama sa listahan si Jordan bangud kasimanwa niya ini sa Chicago.
Paathag man sini nga napili niya si LeBron bangud sa masarangan sang Los Angeles Lakers star nga uyatan kag palibuton ang bola sa mga humalampang.
Mas dako nga bulig ang mga shooting skills nanday Stephen Curry kag Kevin Durant.
Tuman naman ang pagdayaw sini kay Houston Rockets Hall of Fame center Hakeem Ojajuwon bangud sa ginpakita nga performance sini sa nasambit nga team.
