DAO CAPIZ – Nagapabilin ang seguridad sa Barangay Duyoc, Dao Capiz, ini matapos ang pila ka serye sang pagkinawatay sa isa ka buluthuan sa ila nga lugar.
Matandaan nga ginransak sang wala makilan an nga kawatan ang computer laboratory sang Luis Escutin National High School, Barangay Duyoc, Dao Capiz sang nagliligad nga mga semana kung sa diin natigayon nga mataban ang 17 tanan ka units sang HP laptop, 2pcs nga tablet PC, kag 6 ka mga bag nga naglab-ot sa masobra P676, 812.42 ang balor.
Sa interview sang Bombo Radyo sa Barangay Kagawad sang lugar nga si Barangay Kagawad Edwardo Diestro, ginpahayag sini nga antes paman natabo ang amu nga insidente nagapatigayon na sila sang safety precautions sa ila nga barangay.
Suno kay Diestro, matapos ang serye sang pagkinawatay mas gindoble pa sini nila ang seguridad kag ginklaro nga wala naga-untat ang ila Barangay Tanod sa pagpatrolya ilabi na sa tion gab-i.
Mahibaluan nga may yara sang 20 tanan ka mga Barangay Tanod ang ila barangay.
Bangud sini, hugot ini nga nagapawanagan sa mga pumuluyo nga magkooperar sa ila agud malikawan nga masulit ang kasubong sini nga insidente.
