PONTEVEDRA, CAPIZ – Gin-athag sang Barangay Kagawad sang Barangay Hipona, Pontevedra,Capiz ang pagpanagtag sang bulig sa mga naapektuhan sang Bagyo Tino.
Sa interview sang Bombo Radyo kay Kagawad Renee Morales, iya ginpahayag nga may yara tanan sang 1,157 ka mga indibidwal nga nag-evacuate sa kasagsagan sang nasambit nga bagyo.
Suno kay Morales, ang pondo sang barangay ang limitado kag apisar may ginhatag man nga dugang nga bulig ang local government unit sang banwa sang Pontevedra, mas unahon sa gihapon nga hatagan ang mga labi nga naapektuhan sang nag-agi nga kalamidad.
Pahayag pa niya, kun may reklamo, mas maayo nga i-diretso sa barangay agud nga gilayon nga masolbar kag indi na magdaku pa.
Padayon man ang pagpanghanda sang talatapan para sa palaabuton nga bagyo Uwan.
Nagapanawagan man ang natungdan sa mga pumuluyo sang gamay nga pag-intindi bangud ginatinguhaan nga mahatagan ang tanan sang nagakaigo nga bulig.
Interviewed by: Bombo Francis Biñas via Zona Libre
