Sapian, Capiz— Yara na sa karsel sang Criminal Investigation and Detection Group ukon CIDG Capiz ang 54-anyos nga punong barangay sang Barangay Lonoy, Sapian, Capiz matapos ginsubject sa implementasyon sang search warrant ang iya sini nga poluyan sa nasambit nga lugar sang gintingob nga pwersa sang CIDG Capiz kag Aklan.
Ginkilala ang arestado kay Pancho Orario, incumbent barangay kapitan sang barangay Lonoy, Sapian.
Suno sa team leader sang CIDG Capiz nga si SPO4 Mannuel Gorobat, Jr matapos ginbasahan sang kaundan sang search warrant si Orario, boluntaryo sini nga ginsungka ang isa ka 12 gauge magazine fed nga shotgun, isa ka kalibre 22 nga revolver kag mga bala.
Mahibaluan nga lunsay wala sang lisensya ang nasambit nga armas luthang.
Sa karun nakahunong na sa karsel sang CIDG Capiz si Orario kag natalana nga magpangatubang sang kaso nga paglapas sa Republic Act 10591 ukon illegal possession of firearms and ammunition.
