Barangay Officials sang Barangay Baybay, Roxas City, nagpahanumdom sa publiko sang husto nga paghaboy sang basura

Nagpahanumdom ang mga Barangay officials sang Barangay Baybay, Roxas, City sa publiko nga ipatuman ang hustong nga paghaboy sang basura agud mentinar ang katahom sang lugar.

Sa interview sang Bombo Radyo kay Barangay Secretary Earl Baydo, iya ginpahayag nga may nagaka-igo nga penalidad sa mga madakpan nga nagahaboy sang basura sa indi insaktuhon nga lugar.

Suno kay Baydo, para mas madali ang koleksyon sang basura, magadugang ang barangay sang isa ka dump  agud tatlo na tanan ang magamit nga truck para mas epektibo ang pagserbisyo sa komunidad.

Nahibaluan nga ang Barangay Baybay amo ang isa sa pinakamadako nga barangay sa Roxas City kag isa man ini sa mga paborito nga destinasyon sang mga turista.