Patay ang isa ka barangay tanod nga mabakal lang kuntani sang pagkaon matapos siya ginluthang sang suspek nga nagasakay sa motorsiklo sa Dasmarinas, Cavite.
Patay man ang isa ka tindera matapos maulamid sa igo sang bala.
Sa CCTV footage, makit-an ang suspek nga nagasakay sa motorsiklo nga daw kaangay nga may ginabantayan sa Barangay Bergado 1, las 8 sang aga sang Martes.
Makit-an man nga may ginasundan ini nga lalaki kag ginparada ang motorsiklo kag nagpanaog.
Pagkatapos, ginluthang sini ang barangay tanod nga yara sa atubang sang tindahan, kag naigo man ang tindera.
Dead on the spot ang tanod nga mabakal lang kuntani sang pamahaw.
Patay man ang nagabaligya nga naulamid lang sa pagpangluthang.
Sa subong, padayon na ang backtracking para makilala ang gunman kag motibo sa krimen.
