Bastante nga supply sang baboy kag manok sa ‘BER’ months, ginpasiguro sang DA

Ginpasiguro sang Department of Agriculture (DA) ang bastante nga suplay sang agricultural products subong nga ‘ber’ months.

Suno kay Agriculture Spokesman Assistant Secretary Arnel de Mesa, kalakip diri ang suplay sang sibuyas; karne sang baboy, manok, baka kag bugas.

Dugang pa ni Asec. De Mesa, ginasiguro man sang DA nga ang nasambit nga mga produkto ang yara sa tama nga presyo.

Paathag pa sang opisyal, nagabalik na sa dati ang suplay sang nagapanguna nga balaklon kag nakaplastar naman ang plano sang ahensiya nga mag-import sang karne sang baboy, manok kag sa tion nga kulangon ang suplay sini.