Ginkumpirmar sang Iranian media nga ang anak nga babayi, umagad nga lalaki, kag apo nga babayi ni Supreme Leader nga si Ayatollah Ali Khamenei ang napatay sa mga airstrike nga ginhimo sang Estados Unidos kag Israel sa iya compound sa Tehran.
Suno sa report sang Fars News Agency kag iban pa nga lokal nga media sa Iran, mga katapo sang pamilya sang lider ang napatay sa airstrikes.
Ginkumpirmar ang ila kamatayon matapos ginbuyagyag sang reliable sources nga yara sila sa sulod sang puluy-an sang Supreme Leader.
Naglunsar sang joint combat operations ang US kag Israel sa Iran nga nagatuyo nga papason ang rehimen sang Ayatollah.
Tubtob subong, wala pa sang opisyal nga pahayag ang kampo ni Khamenei nahanungod sa iya kaugalingon nga kahimtangan, bisan pa si Israeli Prime Minister Netanyahu nagreport na nga may mga senyales nga ang Supreme Leader napatay man sa pag-atake.
Samtang, nagapanindugan naman ang pila ka mga opisyal sang Islamic Revolutionary Guard Corps (IRGC) nga buhi pa si Ayatollah Khamenei kag kabahin lamang sang “psychological warfare” sang Israel kag US ang pagsiling nga patay na ini.
