Bata nga babaye, patay matapos matapikan sang jellyfish

Patay ang lima ka tuig nga bata nga babaye matapos matapikan sang jellyfish samtang nagapaligo sa isa ka beach resort sa Buenavista, Quezon.

Suno sa kapulisan, nagpadulong ang pamilya sang bata sa isa ka resort sa Barangay Mabutag para sa family outing.

Pagka-udto, nag-upod ang bata sa isa niya ka tiya nga nagapaligo sa dagat.

Magkaupod man nga nagapaligo ang duha sang gilayon na lang nga nagsinggit ang bata bangud natapikan na gali ini sang jellyfish sa iya kamot kag abaga.

Gilayon nga ginbuligan ang bata, ginhatagan sang first aid kag gindala sa ospital apang ginbawian ini sang kabuhi.