ROXAS CITY-Pilason ang 31-anyos nga lalaki kag bata sang isa ka Punong Barangay matapos nga nakabunggo sang layaw nga ido sa Sitio Buntog, Barangay Santo Angel, Dumalag Capiz.
Ginkilala ang biktima nga si Arnold Lopez, residente man sang amo nga lugar.
Sandig sa inisyal nga imbestigasyon sang Traffic Section sang Dumalag Municipal Police Station nga nagapapauli na kuntani ang biktima sakay sa motorsiklo sang aksidente sini nga mabungguan ang isa ka layaw nga ido nga hinali nga nagtabok sa dalan.
Bangud sini, nadulaan sang kontrol sang manibela ang biktima kag dalayon nga natumba sa dalan.
Nag-angkon sang pilas sa ulo ang biktima nga lipong nga gindala sa Dao District Hospital kag padayon nga ginabulong.
Mahibaluan nga yara sa idalom sang impluwensiya sang makahulubog nga ilimnon ang biktima.
