Ginbuyagyag ni Batangas 1st District Representative Leandro Leviste nga nakabaton ang kada 318 ka kongresista sang P2 milyon bilang Christmas Bonus.
Suno sa iya, natabo ini sa tion sang pagboto para sa 2026 General Appropriations Bill.
Ginpahayag sang mamalidha nga luwas sa suhol sang kada miyembro sang Lower House sang Kongreso, may ara man sila ginabaton nga bulan-bulan nga pondo para sa Maintenance and Other Operating Expenses (MOOE) sang ila tagsa ka opisina, nga nagalab-ut sang isa ka milyon pesos.
Nahibaluan nga kahapon nga adlaw, Disyembre 30, ginhatagan sila sang “extra” upod ang mga bonuses nga ginpagawas sa pariho nga tion sang pagboto para sa 2026 budget.
Gin-ako man ni Leviste nga nabatian niya lamang ang bahin sa bonus gikan sa iban nga mga mambabatas.
Suno sa iya, ang kada kongresista nakakuha sang P300,000 kada bulan bilang suhol.
Nagaresulta ini kon isuma ang operating expenses kag suholan sang 318 ka mambabatas nga nagalab-ot sa masobra P1 billion nga take home pay sang kada isa.
Ginhimo ni Leviste ang pahayag samtang ginakwestyon niya ang P10.5 billion nga diin kabahin sini o mga P7.8 billion ang mapadulong sa MOOE kag nagakahulugan nga kaangot sa pondo ang pagtaas sang suhol para sa ila kaugalingon nga bonuses lakip ang P2 million para sa kada kongresista.
