Ginkumpirmar sang aktres nga si Bea Alonzo ang iya relasyon sa negosyante nga si Vincent Co, manunubli sang isa ka kilala nga supermarket chain, sa isa ka interview sa 2025 Gala sang nagligad nga Sabado.
“I think it’s very obvious that we’re together,” siling ni Alonzo. “I’m very happy.”
Apisar nga kumpirmado na ang ila relasyon, ginpanindugan sang aktres nga luyag sini nga i-private ang detalye sang ila love life. Siling niya, “I don’t want to say people ruin beautiful things, but I think the most beautiful things are the ones kept private.”
Sang nagligad nga bulan, nakita si Alonzo kag Co sa NAIA Terminal 1 pakadto sa Japan para sa ika-46 nga kaadlawan sang negosyante. Una sila nga nakit-an nga magkaupod sang Mayo matapos natalupangdan sang mga netizens nga daw kaangay nga magkaupod sila sa pagbiyahe sa Espanya.
Sugod sadto, nakita sila sa publiko sang pila ka beses — lakip ang isa ka pribado nga kahiwatan upod kay Heart Evangelista, kag isa ka panamyaw sa kaadlawan para kay Sen. Bong Go.
Si Alonzo nagtambong man sa mga kahiwatan sa negosyo ni Co, samtang si Co nagsuporta sa paglunsar sang negosyo sang aktres.
