-- ADVERTISEMENT --
ROXAS CITY – Arestado ang isa ka persona matapos ginserbihan sang warrant of arrest sang mga otoridad sa Sitio Bliss, Barangay Cagay, Roxas City.
Ginkilala ang akusado nga si alyas Michael, 20-anyos, isa ka beautician kag residente sang nasambit nga lugar.
Nagapangatubang ini sang kaso nga Slander by Deed sa diin ang warrant ang ginpapanaog kag ginpermahan ni Hon. Kathleen G. Delantar, Presiding Judge, MTCC, Branch 2, Roxas City nga napetsahan Abril 17, 2024.
May ginrekomendar naman ang korte nga piyansa nga nagabalor sang P18,000.00 para sa temporaryo sini nga kahilwayan.
Sa karon, ang nasambit nga akusado ang gin-release na sa kustodiya sang Roxas City PNP matapos nga makapyansa ini.
-- ADVERTISEMENT --
