Napatas sang San Miguel Beermen sa 2-2 ang best of seven semifinals nila sang Barangay Ginebra.
Wala na nakaporma ang Gins sa tuman nga depensa sang Beermen sa iskor nga 131-121 sang 2024 PBA Governors Cup nga ginhiwat sa Araneta Coliseum.
Nagpanguna sa kadalag-an sang Beermen si Most Valuable Player June Mar Fajardo nga may 29 points, 16 rebounds kag tatlo nga assists samtang ang import nga si EJ Anosike ang may 27 points.
Nagdugang naman sang 20 points si CJ Perez, tig-15 points kanday Marcio Lassiter kag Don Trollano.
Gindayaw naman ni Beermen coach Jorge Gallent ang iya mga player bangud nag-response ang mga ini sa iya nga challenge sadtong sila ang naga-practice nga dapat mangin mapag-on sa opensa kag depensa kag ila man ini nga gin-execute.
Nauyang naman ang nahimo nga 49 points ni Justin Brownlee para sa Barangay Ginebra.
