Wala na napunggan sang San Miguel Beermen ang Barangay Ginebra nga makasulod sa finals sang PBA Governor’s Cup.
Nakuha sang Gins ang 102-99 nga kadalag-an kontra SMB kag na-record ang 4-2 nga bentaha sa best of seven semifinals sa hampang nga ginhiwat sa Araneta Coliseum.
May tsansa pa kun tani ang Beermen nga mapatas ukon madaog ang hampang apang wala nagmadinalag-on ang ginhimo nga attempt nanday EJ Anosike kag Jericho Cruz sa four-point territory.
Nagpanguna sa kadalag-an sang Ginebra si Maverick Ahanmisi nga naglista sang 25 points, samtang may yara sang 21 points, pito nga rebounds, pito nga assists, tatlong steals kag duha nga blocks si Justin Brownlee.
Makaatubang sang Ginebra sa finals ang TNT Tropang Giga nga magasugod sa adlaw sang Dominggo.
