ROXAS CITY, CAPIZ- Preparado na ang mga katapo sang Bureau of Fire Protection (BFP) Roxas City sa pagbulig sa mga pumuluyo nga nagakinahanglan sang bulig sa tion sang pag-igo sang Bagyo Tino sa syudad.
Sa interview sang Bombo Radyo kay Senior Fire Officer 1 Junemar Galve, Chief Public Information Officer sang Bureau of Fire Protection (BFP) Roxas City, iya ginpahayag nga nakighinunan-anon na ang ila nga talatapan kaupod ang City Disaster Risk Reduction Office kag gin-istoryahan ang mga safety measures para sa tion sang amo nga bagyo.
Suno kay Galve, may yara sang 76 tanan ka mga personnel ang sa subong naka-standby para sa pagbulig sa mga apektado.
Pahayag nya, naga water-level monitoring naman sa subong ang ila nga mga firetrucks.
Nagapanawagan naman ang natungdan sa publiko nga sa oras kinahanglan sang bulig, gilayon nga magpanawag sa ila agud nga marespondehan ilabi na sa subong nga tion sang kalamidad.
Interviewed by Bombo Sunnie Mae Constantino Batencila
