-- ADVERTISEMENT --
Ginpadeport na sang Bureau of Immigration (BI) ang tatlo ka mga Chinese nationals nga ginaresto sini sa una nga quarter sang bulan may kaangtanan sa kampanya batuk sa mga ilegal nga Philippine Offshore Gaming Operators (POGO).
Suno sa ahensya, ginpapauli na sa Xiamen sanday Lyu Xun, 23-anyos, Kong Xiangrui, 26-anyos kag Wang Shangle, 25-anyos ang edad.
Ang nasambit nga mga dumuluong ang kalakip sa 450 illegal POGO workers nga nadakpan sa lapnagon nga operasyon sa Parañaque City sadtong Enero 8.
Pahayag ni BI Commissioner Joel Viado, ang fast-tracking deportation kadungan sa mandato ni Pangulong Ferdinand R. Marcos Jr. nga protektahan ang interes sang pungsod pinaagi sa pagdumili sang mga POGO.
