Nagtaas pa ang bilang sang mga senior Democrats ang nagpahayag sang supporta kay US Vice President Kamala Harris para sa pagdalagan sini sa pagka-presidente sang US.
Ini ang kasunod sa nangin desisyon ni US President Joe Biden nga mag-withdraw na lamang bangud sa panawagan sang kalabanan sa mga kapartido sini.
Mangin ang mga Democrats donors, nagpahayag man sang suporta kay Harris.
Pila sa mga bigatin nga tawo nga nagpahayag sang suporta kay Harris sanday anay Democratic presidential nominee Hillary Clinton, anay Presidente Bill Clinton kag anay Secretary of State John Kerry.
Mangin sanday Massachusetts Senator Elizabeth Warren, kag Minnesota Senator Amy Klobuchar ang mga mambabatas nga nagpadalagan kontra kay Biden para sa nominasyon sini sadtong 2020 ang nagpahayag man sang suporta kay Harris.
Una na nga ginpahayag ni Harris nga preparado na ini nga batunon ang hamon kag kaya nya suno diri nga paslawan si anay US President Donald Trump.
