Isa ka 48-anyos nga Chinese gaming billionaire nga si Xu Bo ang nangin sentro sang atensyon matapos ginkumpirmar nga may yara ini sang masobra 100 ka mga kabataan paagi sa surrogacy.
Ang surrogacy isa ka proseso sa diin ang isa ka babayi nagadala kag nagabun-ag sang isa ka lapsag para sa isa pa ka tawo ukon ginikanan, masami kabaylo sang bayad kag isa ka legal nga kasugtanan.
Suno sa report, kalabanan sa mga kabataan ang nagapuyo subong sa isa ka balay sa Irvine, California kag ginasagod sang mga yaya.
Magluwas nga ilegal ang surrogacy sa China, ang pagkatawo sang mga kabataan ni Xu sa U.S. gintuyo bangud sa idalom sang ika-14 nga Amendment, ang mga lapsag nga natawo sa duta sang U.S. nangin mga pumuluyo sang U.S.
Sa isa ka hearing sa korte sang 2023, gin-ako ni Xu nga mas gusto niya ang mga anak nga lalaki bangod ginakabig niya sila nga “superior” sangsa mga anak nga babayi. Ang iya target?Agod may yara ini sang “50 ka de-kalidad nga mga anak nga lalaki.”
Bisan pa nga ginpanginwala sang iya kompanya nga Duoyi Network ang mga report, ang iya anay kaupod nga si Tang Jing nagsiling nga ang numero sang mga kabataan ni Xu mahimo nga maglab-ot sa 300.
Sang 2023, ginpanginwala sang korte ang kinamatarong ni Xu bilang ginikanan sa apat ka wala pa mabun-ag nga kabataan pagkatapos nahibaluan sang hukom ang kadakuon sang iya mga operasyon sa surrogacy.
