-- ADVERTISEMENT --
Gin-anunsiyo sang P-pop girl group nga BINI nga may ara sila sang pre-show performance sa KCON Los Angeles sa palaabuton nga Hulyo 27.
Suno sa KCON USA, isa ang BINI para sa pre-show sang “M-Countdown” stage.
Isa-isa naman nga nag-post sa tagsa nila ka mga social media ang mga miyembro sang BINI kun sa diin indi nila mapaathag ang ila excitement para sa show.
Ang KCON ang ginakunsiderar nga pinakadako nga K-pop festivals nga gin-organisar sang Korean company nga ang tinutuyo amo nga palaparon ang nagadako nga industriya sang K-pop.
Pagahiwaton ini subong nga tuig sa Los Angeles sa US, Germany kag Saudi Arabia.
Mahibaluan nga ginhiwat ini sadtong nakaligad nga tuig sa Hong Kong kag Japan.
-- ADVERTISEMENT --
