Matapos maghimo sang kasaysayan bilang labing una nga grupo nga nakaangkon sang sold-out show para sa una nga leg sang BINIverse World Tour 2025, opisyal na nga ginanunsyo sang BINI ang mga natalana nila nga concert sa UAE, UK, kag North America subong nga tuig.
Pagadal-on nanday Aiah, Colet, Maloi, Gwen, Stacey, Mikha, Jhoanna, kag Sheena ang world tour sa Dubai kag London sa palaabuton nga Mayo 18 kag 25.
Magabisita man sila sa pila ka mga lugar sa Estados Unidos kung sa diin bitbit ang BINI fever.
Magatakop ang world tour sang grupo sa Vancouver, Canada sa Hunyo 21.
Samtang, mangin available naman ang London kag Dubai presale tickets para sa BINI.
Antes ang ila nga world tour, ginpaguha sang nation’s girl group ang bag-o nga single nga Blink Twice bilang patilaw sa ila bag-o nga BINIverse.
Bangud sini, nakakuha gilayon ang bag-o nga pop anthem sang masobra 1.7 million streams sa Spotify kag 3.9 million streams naman sa YouTube sa sulod lamang sang apat ka adlaw.
