JAMINDAN, CAPIZ – Nangin malinong kag matawhay ang ang paghiwat sang Binuligay Festival sa banwa sang Jamindan, Capiz.
Sa interview sang Bombo Radyo kay Police Captain Peter John Celino, Officer-in-Charge sang Jamindan Municipal Police Station, iya ginpahayag nga nangin madinalag-on ang gintukod nga task force binuligay festival 2026 sa bulig sang nagakalin-lain nga ahensya sang gobyerno.
Suno kay Police Captain Celino, wala man sang may nabalhag nga krimen sa pagpatigayon sang amo nga aktibidad kag nangin matawhay man ang dalagan sang trapiko.
Pahayag pa niya, daku nga bulig ang pagtukod sang task force agud malikawan ang pag-agaway sang tasking kag masiguro nga mabantayan ang kada bahin sang banwa.
Nagpasalamat man ang natungdan sa publiko sa kooperasyon kag ginsiguro nga magapadayon ang pagserbisyo sa pagpabilin sang kalinong sang palibot.
INTERVIEWED BY: BOMBO ROADNIE DABAN DALANON VIA ZONA LIBRE
